Cando estou soa nun espazo natural sinto unha inmensa paz. O son do vento e o cantar dos paxaros fan que me relaxe de tal maneira que non necesito pensar en nada.
Observando os animaliños e vendo a vida tan sinxela que levan sendo felices, faime pensar o complicado que é o ser humano, xa que, eles non necesitan diñeiro nin bens materiais e confórmane co que obteñen da propia natureza.
Unha das cousas que máis me gusta facer en pleno verán, durante a sesta, cando vai máis calor, é deitarme á sombra á beira dun regato e observar as follas das árbores que se moven tranquilamente e ver as raiolas do sol que se introducen entre elas. Gozo ao sentir o movemento da auga cando baixa polo regato.
A min encántame a natureza!
Naiara Rodríguez Rojas
No hay comentarios:
Publicar un comentario