martes, 2 de diciembre de 2014
jueves, 27 de noviembre de 2014
O MEU LUGAR, ENRIQUE 2º B
Hai un sitio onde me gusta vivir. Alí todo é moi distinto porque a primavera é moi bonita. Os meus amigos e mais eu xogamos ao fútbol na herba fresca. As árbores sempre fan un son moi forte coma lóstregos. Dan moito medo.
Ás veces gústanos sentarnos ao lado das árbores para sentilas.
A NOSA TEA DA IGUALDADE
Iniciamos a tea no club de lectura lendo poemas dentro do proxecto de Poemas do río.O fío percorreu diferentes mans, estiveron coma sempre Laude e Lucía coa súa xenerosidade.
No corazón da tea da igualdade as palabras conmovedoras de Rimsha, Loitadora pola liberdade:
"Hai que estudar para ser libres na vida"
No corazón da tea da igualdade as palabras conmovedoras de Rimsha, Loitadora pola liberdade:
"Hai que estudar para ser libres na vida"
lunes, 17 de noviembre de 2014
KUMBARIKIRA
Os nenos de Santa Rita
de Castilla, capital da zona de Parinari, no distrito de Loreto, en Perú, piden
ó presidente do seu país que non se siga a contaminar o seu río, o Marañón, que
sofre verquidos de petróleo de compañías que operan a carón del e estragan o
medio ambiente nesa zona da amazonía peruana.
Este é o enlace ó blog Santa Rita de Castilla,
onde se fala do verquido de petróleo nese territorio, onde vive o grupo
indígena Kukama:
Este grupo indíxena
ten como lingua propia o Kukama, una lingua con cada vez menos falantes. O uso do kukama, para que non se perda, é
reivindicado neste vídeo:
Queremos achegarmos ós
nenos e nenas kukama e apoialos nas súas loitas (medioambiental e lingüística)
Por iso imos gravar un vídeo no que, como eles, rapeamos na nosa lingua propia
e ademais cantamos o estribillo en Kukama que eles empregan na súa canción (Kumbarikira).
Participa alumnado de
1º, 3º e 4º ESO e 1º Bacharelato.
Como anticipo, podedes
escoitar os nenos de 1º ESO A nun ensaio cantando e rapeando a súa parte, ler
as letras de todos os grupos e escoitar
os alumnos de 1º Bach coa materia de música tocando o estribillo con xilófonos
e metalófonos.
Estrofas 1º ESO A:
Xilófonos e metalófonos 1º Bacharelato:
A continuación podedes ler información que nos mandan dende Perú;
A ESCOLA IKUARI: PARA
A RECOPILACION DE MEMORIAS E A ENSINANZA
DA LINGUA KUKAMA.
Se é difícil establecer o número de persoas kukama, o
grao de dificultade non diminúe ó tratar de saber cantas persoas falan kukama.
Por ser un idioma minoritario en Perú e por pertencer a un grupo indíxena ten
que enfrentar o estigma da discriminación. Por iso segue a ser no extenso
territorio da amazonía un idioma falado en segredo, situación que a proposta
comunicacional de Radio UCAMARA dende a Escola IKUARI e o Colexio
Nuestra Señora de Loreto intenta axudar a superar principalmente no
Distrito de Nauta. Nos últimos anos houbo unha revalorización importante e xa
existen algúns colectivos que non teñen medo nin vergoña de falalo en público.
Gran parte da memoria dos nosos pobos recupérase coa visibilización da lingua.
A viabilidade do kukama dependerá en grande medida de se as novas xeracións se
interesan por el.
sábado, 15 de noviembre de 2014
viernes, 14 de noviembre de 2014
Sesión do club de lectura: 25 Novembro - Poemas do Río
Falamos dos Poemas do Río de Cristina Corral Soilán e invitamos os nosos alumnos e alumnas a escribir os seus e a descubrir poetisas galegas (como ocorre na obra teatral de Cristina Corral). Lemos os poemas creados por Noa, de 4º ESO e os de Cristina, Laura, Omaima, Rimsha, Nohaila, Ashley e Ana María (quen tamén compartiu conosco poemas en romanés), todas elas de 1º ESO. Ademais Román e Cristina Salgado seleccionaron os seus poemas favoritos do último libro de Carlos Negro, Penúltimas tendencias, que fala da dignidade das mulleres e fai unha crítica dos valores que transmite a sociedade.
lunes, 10 de noviembre de 2014
viernes, 7 de noviembre de 2014
miércoles, 5 de noviembre de 2014
lunes, 27 de octubre de 2014
LINGUAS EN PERIGO
Hai moitas linguas en perigo de extinción, falamos do kukama e podemos falar da lingua aymara que está morrendo.
Aquí temos un enlace para comentar sobre a cantidade de linguas que están desaparecendo.
jueves, 23 de octubre de 2014
TRABALLOS SOBRE KUKAMA
Isabel mandounos estes enlaces para que avancemos e nos animemos.
Cópiovos enlace ó blog Santa Rita de Castilla, onde se fala do verquido de petróleo nesa zona da amazonía peruana onde vive e grupo indígena Kukama:
Cópiovos enlace ó blog Santa Rita de Castilla, onde se fala do verquido de petróleo nesa zona da amazonía peruana onde vive e grupo indígena Kukama:
Ó video onde os rapaces cantan en castelán e en kukama:
E achego as letras feitas ata agora, as gravacións dos ensaios de 1º ESO A, 4º ESO B e 3º ESO B e a partitura do estribillo para que os de 3º ESO B de David a toquen con láminas e os de 4º ESO B ou 4º ESO C de Rubén ( se che parece OK) a toquen con frauta.
martes, 21 de octubre de 2014
lunes, 6 de octubre de 2014
OS POEMAS DO RÍO E EDIPO REI
Imos avanzando e un novo proxecto que xa se uniu aos Poemas do río, aquí temos un enlace para ver o traballo.
KUKAMA
A través de Cristina Corral entereime desta iniciativa de reivindicación da lingua Kukama, unha lingua indíxena na zona do Amazonas en Perú.
Esta comunidade defende a lingua e o medio natural que corre perigo.
Na titoría aprenderemos a canción que propoñen e faremos nós un rap que defenda a nosa lingua.
Faremos un vídeo e mandarémosllo identificándonos co seu proxecto.
Rap co que defenden a súa lingua.
Letra da canción:
domingo, 5 de octubre de 2014
TONECHO DE REBORDECHAO
O autor é Breogán Riveiro; publicado na editorial Galaxia.
Este libro trata dun neno chamado Tonecho, que vivía nun lugar chamado Rebordechao, ía ao colexio, e con que mellor se levaba era con Kevin, un gordecho comellón; os dous estaban namorados da profesora. A Toneño sempre lle ocorría algunha historía como cando se metía nas casas abandonadas a cotillear e un día levou un susto, pero esa no foi a peor senón un día que foi pasear ao monte co seu can o Langrán e sempre ía ata un castiñeiro seco pero ese día a curiosidade fixo que seguise polo camiño, nun montiño máis adiante sorprendeuno unha ...
É un libro cheo de tenrura, de sensibilidade e de amor polas nosas aldeas que están abandonadas coa perda que iso supón para a nosa cultura.Tonecho descubre a vida na aldea e o valor do mundo natural.
Aquí vemos un vídeo cun comentario sobre este libro.
domingo, 28 de septiembre de 2014
AS LARANXAS MÁIS LARANXAS DE TÓDALAS LARANXAS
As laranxas máis laranxas de tódalas laranxas de Carlos Casares, representada polo Centro Dramático Galego, pretende estimular a sensibilidade estética e o gusto polo teatro como creación artística, adquirindo os códigos da linguaxe teatral e desenrolando recursos para valorar as obras.
Un dos actores , Alberte Cabarcos, que representa a Elías, un personaxe, ofrécenos información : o texto, os ensaios...domingo, 14 de septiembre de 2014
CANDO SEXADES PEQUENOS
Marabilloso álbum de Uxue Alberdi que fala da posibilidade de medrar sen perder a inocencia, a ilusión... e de gozar da vida plenamente. Pon por diante un auténtico reto, vivir sen seguir o que está establecido.
domingo, 7 de septiembre de 2014
OS POEMAS DO RÍO DE CRISTINA CORRAL
Os poemas do río, obra de teatro escrita por Cristina, a nosa compañeira e amiga, é un canto á poesía, ao teatro e ao valor da nosa literatura e lingua.
Coñeceremos poemas de escritoras galegas( Rosalía de Castro, Filomena Dato, Francisca Herrera, María Mariño, Pura Vázquez, María Lado...) e animarémonos a facer a nosa representación.
Procuraremos escribir as nosas poesías e crear o noso bosque animado.
Queremos darlle as grazas a Cristina por todo o seu traballo, a súa ilusión e a súa xenerosidade.
Os poemas do río inspirará o noso traballo e será o fío que una as nosas iniciativas e promova a nosa creatividade.
Coñeceremos poemas de escritoras galegas( Rosalía de Castro, Filomena Dato, Francisca Herrera, María Mariño, Pura Vázquez, María Lado...) e animarémonos a facer a nosa representación.
Procuraremos escribir as nosas poesías e crear o noso bosque animado.
Queremos darlle as grazas a Cristina por todo o seu traballo, a súa ilusión e a súa xenerosidade.
Os poemas do río inspirará o noso traballo e será o fío que una as nosas iniciativas e promova a nosa creatividade.
martes, 8 de julio de 2014
AS REGRAS DO VERÁN, SHAUN TAN
As regras do verán, último libro publicado de Shaun Tan chegou ás nosas mans, con el imos iniciar o curso para que o mundo da creatividade e a arte estea con nós. Imos crear as nosas regras propias que nos leven a gozar e a aprender.
Aquí temos un enlace con comentarios do propio autor sobre o libro.
sábado, 21 de junio de 2014
LER NA CLASE
Para min o que lemos en clase é impresionante. Este ano aprendín que non só os libros de aventuras e comedias son divertidos, senón que tamén hai libros moito mellores e que sen ser de aventuras fante ver a vida doutra forma, ves a verdadeira literatura e aprendes a ser unha persoa educada e mellor. Espero aprender máis para o ano que vén.
Luís Sobrino 1º D
domingo, 15 de junio de 2014
domingo, 8 de junio de 2014
domingo, 1 de junio de 2014
viernes, 23 de mayo de 2014
PREMIO MINERVA
Parabéns para Ana María Añel, gañadora do premio Minerva de relato.
Paréceme un relato moi fermoso.
Paréceme un relato moi fermoso.
martes, 20 de mayo de 2014
sábado, 10 de mayo de 2014
AS MULLERES, ANA RONCERO
Unha interpretación marabillosa de Ana Roncero que nos fixo gozar coas diferentes mulleres ás que lles deu vida e voz.
Ninguén quería saír do salón de actos, pois Ana atrapa coa súa intensidade, xenerosidade e capacidade de transmitir.
Moitísimas grazas, Ana!
Aquí podemos ver fotos da súa visita e interpretación.
No escenario estaban colocadas todas as mulleres que interpretou.
Aquí vemos o cartel co que anunciamos a súa visita.
viernes, 9 de mayo de 2014
sábado, 3 de mayo de 2014
PANDORA, MEDEA, LAURENCIA, CELESTINA, PONCIA, ADELA E ANGÉLICA LIDDELL.
Aquí temos un enlace para ver as fotos.
Unha nova sesión do club de lectura na que nos volvemos sentir ben. Aprendemos e compartimos un bo ambiente. Traballamos ''as mulleres'' que o próximo mércores vai representar Ana Roncero. Temos que valorar a presenza dos alumnos e alumnas, os que fan que unha vez máis sexan un estímulo para continuar.
Pola mañá colocamos o cartel e as mulleres no corredor da biblioteca.
jueves, 1 de mayo de 2014
martes, 29 de abril de 2014
A casa de Bernarda Alba
A casa de Bernarda Alba é unha obra dramática de Federico García Lorca(1898-1936) que denuncia o dano das convencións sociais e que nos invita a reflexionar sobre o conflito permanente entre o instinto e a norma, a realidade e o desexo, o amor e a morte.
Ana vai representar a Poncia, a criada, e Adela, a filla máis nova.
Adela, filla máis nova de Bernarda, está marcada polos desexos de liberdade.
Poncia, criada, obrigada a someterse a Bernarda, esperta nela un profundo resentimento.
Dúas mulleres moi interesantes cheas de forza e capacidade de ver.
Aquí hai un enlace á película.
Aquí enlace a unha representación teatral.
Ana vai representar a Poncia, a criada, e Adela, a filla máis nova.
Adela, filla máis nova de Bernarda, está marcada polos desexos de liberdade.
Poncia, criada, obrigada a someterse a Bernarda, esperta nela un profundo resentimento.
Dúas mulleres moi interesantes cheas de forza e capacidade de ver.
Aquí hai un enlace á película.
Aquí enlace a unha representación teatral.
domingo, 27 de abril de 2014
MULLERES NA LITERATURA
Estamos preparando unha nova sesión do club de lectura. Vai vir Ana Roncero, irmá de Antonia e actriz excelente, para representar mulleres (Medea, Pandora, Laurencia, Celestina, Adela, Poncia e Angélica Liddell) que forman parte de grandes obras da literatura. Mulleres importantes que se reberaron e rebelan(Angélica) en contra do establecido para buscar a liberdade.
OS PAPAVENTOS
Despois de ler Valados, fixemos papaventos como símbolos de amor, comunicación e liberdade. Todos están cheos de verdade e da esencia de cada un.
A actividade resultou interesante, colaboraron alumnos e profesores.
Aquí temos un enlace para ver fotos dos papaventos.
A actividade resultou interesante, colaboraron alumnos e profesores.
Aquí temos un enlace para ver fotos dos papaventos.
sábado, 26 de abril de 2014
viernes, 25 de abril de 2014
jueves, 24 de abril de 2014
XOSÉ MARÍA DÍAZ CASTRO
O día das Letras Galegas adícase a Xosé María Díaz Castro, poeta. Aquí temos recursos para coñecelo.
O seu poemario Nimbos,
unha poesía auténtica. Poeta místico e coherente.
"Estes non son poemas, nin cimentos
de poemas siquera. Son fragmentos
de min mesmo perdidos"…
Aquí enlace a Penélope, poema de Nimbos (A Quenlla)
domingo, 20 de abril de 2014
DOR, TEXTO DE SARA
Sara escribiu un texto moi intenso e verdadeiro. Grazas por expresarte e permitirnos compartir contigo.
MULLER DE FERRO, NOA
Un texto escrito por Noa, é unha homenaxe ás mulleres que loitan por ser donas de si mesmas.
domingo, 13 de abril de 2014
AS POESÍAS EN ABRIL
O poeta escolle abril
Viviremos, amor, dicindo a verba,
queimándoa, feríndoa, labrándoa
tan doce e temerosamente que ela coida, palabra abril,
que por nós vive, vivímola e só é dita: abril.
sábado, 12 de abril de 2014
TEXTO DE TOÑO
Eu
aprendín moitas cousas sobre todo a cambiar por dentro e por fóra.
Por dentro aprendín a controlar o meu carácter e a ver que podo
estudar e aprender.
Antes
pensaba que non podía mellorar. Agora podo ver que traballar vai influír no meu
futuro. Por fóra cambiei o estilo de facer as cousas. Agora quero
facelo con interese e esforzo.
Ainda
que son un pouco vago, co tempo cambiarei.
Quero
ser moi boa persoa.
domingo, 6 de abril de 2014
domingo, 23 de marzo de 2014
A MIÑA PLANTA DE LARANXA LIMA
A miña planta de laranxa lima,novela chea de tenrura e emotividade. É un relato conmovedor de José Mauro de Vasconcelos(Brasil).
Fainos reflexionar sobre a situación que viven moitos nenos en moitos lugares do mundo.
É unha auténtica fermosura, un libro para ler independentemente da idade que se teña. Sempre vai gustar, é imposible que non sexa así.
Fainos reflexionar sobre a situación que viven moitos nenos en moitos lugares do mundo.
É unha auténtica fermosura, un libro para ler independentemente da idade que se teña. Sempre vai gustar, é imposible que non sexa así.
lunes, 10 de marzo de 2014
martes, 4 de marzo de 2014
ESCRIBEN EN 1º
A
amizade
Eu
sei o que é unha amizade verdadeira, non é coma outras que son de
mentira.
Teño
un amigo que me alegra a vida. A amizade que temos é coma unha
árbore que se non a coidas e a mimas rompe. Por sorte a miña
amizade é forte coma unha árbore forte. O meu amigo non é deses
que din ''compréndote'', pero é de mentira, el sempre mo di de
corazón.
Toño
1º B
A
soidade
A
soidade é unha voz sen rumbo que chama dende o silencio da miña
conciencia.
A
soidade é o desencontro comigo mesma. Doe, doe que sexa a soidade o
único que teño. É un sentimento que teño sen buscar.
Podo
facer da tristeza a miña aliada. Non lles demostro aos que me queren
facer dano que estou triste.
Patricia
1º C
Saioa
é a miña mellor amiga. Quéroa moito e gústanos estar xuntas.
Ás
veces enfádome con ela porque é moi inocente e non é consciente da
maldade da xente e do mal que lle poden facer.
Gustaríame
collela e gardala nunha botella para que ninguén lle poida facer
dano. Ten moi bo corazón.
Patricia
1º C
REFLEXIÓN SOBRE A SOIDADE
“Tamén
se está só entre os homes”
Ás
veces, aínda que esteamos con moitas persoas sentímonos sós. Pode
ser porque non estamos a gusto, queremos estar con outras persoas ou
simplemente porque nos sentimos sós no medio de tanta xente. Ás
veces, é mellor estar só, estás máis relaxado, podes pensar con
máis tranquilidade, pero cando te sintes só rodeado de moitas
persoas, é porque che falta algo. Normalmente non sabes o que, pero
case sempre é iso. Necesitas algo, pero aínda non descubriches o
que necesitas e, aínda que esteas coa xente que queres, como é a
familia ou os amigos, fáltache algo. Non é bo sentirse só, pero ás
veces pásanos. Eu creo que é porque estrañamos algo, a min pásame.
Estou con moita xente pero ás veces sinto como se non tivera algo.
Algo que necesito e non sei o que é. Pero pásame logo, e volvo
estar ben.
Sentirse
só é algo que fai o ser humano para pensar e reflexionar, sentirse
mellor.
Non
é nin bon in malo, pero eu creo que se está mellor en compañía
que só.
Iria
Vázquez Arcos
martes, 25 de febrero de 2014
ROMÁN, POESÍA
É unha flor que nace na primavera,
vizosa e fermosa dá cor ao val.
É delicada coma un pano de seda
transforma as tristes bágoas
en alegres sorrisos.
É un espello que reflicte ledicia.
É unha pequena semente,
insignificante, ignorada
que se a coidas,
convertirase nunha grande árbore.
É coma unha froita doce
e en ocasións amarga.
É coma un boneco fermoso
diferente, delicado...
miércoles, 19 de febrero de 2014
martes, 18 de febrero de 2014
COUSAS DE 4º ESO
Os alumnos e as alumnas de 4º ESO de Elvira fixeron un fermosísimos traballos nos que se combinaba expresión escrita e debuxo inspirados nas Cousas, de Castelao, obra e autor que estiveron descubrindo nas clases de galego.
Onte tivemos unha sesión especial do club de lectura A árbore vermella na que Hui Qi, María Romero e cristina Salgado leron os seus textos e comentaron os seus debuxos. Ademais estivemos falando de Castelao e lendo A Marquesiña.
A continuación tedes fotos da sesión de onte e tamén podedes escoitar a Andrea, de 1º Bacharelato, lendo A Marquesiña, a Hui Qui, María e Cristina lendo os seus textos e a Lara, de 2º Bacharelato, lendo o texto de Iria Prieto.
Cristina explica o proxecto Cousas de 4º ESO tras ler Cousas de Castelao.
Andrea le A Marquesiña.
Hui Qi le o seu relato.
María Romero le o seu relato.
Cristina Salgado le o seu relato.
Lara le o relato de Iria.
Parabéns a Elvira e o seu alumnado e moitísimas grazas por contribuir a que o Río de Palabras siga a fluír.
Onte tivemos unha sesión especial do club de lectura A árbore vermella na que Hui Qi, María Romero e cristina Salgado leron os seus textos e comentaron os seus debuxos. Ademais estivemos falando de Castelao e lendo A Marquesiña.
A continuación tedes fotos da sesión de onte e tamén podedes escoitar a Andrea, de 1º Bacharelato, lendo A Marquesiña, a Hui Qui, María e Cristina lendo os seus textos e a Lara, de 2º Bacharelato, lendo o texto de Iria Prieto.
Cristina explica o proxecto Cousas de 4º ESO tras ler Cousas de Castelao.
Andrea le A Marquesiña.
Hui Qi le o seu relato.
María Romero le o seu relato.
Cristina Salgado le o seu relato.
Lara le o relato de Iria.
Parabéns a Elvira e o seu alumnado e moitísimas grazas por contribuir a que o Río de Palabras siga a fluír.
sábado, 15 de febrero de 2014
CEREZA GUINDA
Na próxima reunión do club ademais dos textos de 4º,. leremos o álbum Cereza Guinda que nos regalou Patricia despois de vivir algo moi bonito.
O libro preséntanos unha rapaza, Cereza, que ten ,coma todos nós, que enfrontarse ós seus medos e vivir.
Cereza Sullivan vive sola con su padre, el dueño de la perrera del barrio. Cereza es una devoradora de libros, aunque no se le dan tan bien las personas. En clase se siente insignificante, hasta que encuentra a Guinda, un perro abandonado que le dará la fuerza para enfrentarse a sus miedos, aunque le ha provocado uno aún mayor: ¿vendrá algún día el dueño de Guinda a reclamarlo?
GRAZAS PATRICIA
O libro preséntanos unha rapaza, Cereza, que ten ,coma todos nós, que enfrontarse ós seus medos e vivir.
Cereza Sullivan vive sola con su padre, el dueño de la perrera del barrio. Cereza es una devoradora de libros, aunque no se le dan tan bien las personas. En clase se siente insignificante, hasta que encuentra a Guinda, un perro abandonado que le dará la fuerza para enfrentarse a sus miedos, aunque le ha provocado uno aún mayor: ¿vendrá algún día el dueño de Guinda a reclamarlo?
GRAZAS PATRICIA
viernes, 14 de febrero de 2014
''COUSAS'' DE 4º ESO INSPIRADAS EN CASTELAO.
Unha nova sesión do club de lectura para gozar cos traballos dos alumnos de 4º da ESO. Unha explosión de beleza e arte tanto nos textos coma nas ilustracións.
Este novo traballo renovará o ''Río de Palabras'' e fará que nos manteñamos na liña da expresión da nosa creatividade.
Grazas a todos vós e a vosa ''profe'',Elvira, pola beleza da presentación, pola calidade do traballo e a súa ilusión.
Aquí podemos ler algún dos relatos de Castelao.
Chámanlle a “Marquesiña”
Vaí á fonte, depelica patacas e chámanlle a “Marquesiña”.
Non foi á escola por non ter chambra que pór e chámanlle a “Marquesiña”.
Non probou máis lambetadas que unha pedra de zucre e chámanlle a “Marquesiña”.
A súa nai é tan probe que traballa de xornaleira na casa do Marqués.
¡E aínda lle chaman a “Marquesiña”!
martes, 11 de febrero de 2014
miércoles, 22 de enero de 2014
Con Lucía, premiada polo seu relato "O dos ollos bonitos"
AQUÍ tedes fotografías da última sesión do club de lectura, no que escoitamos o relato "O dos ollos bonitos", co que Lucía Díaz Nicolino, de 1º Bacharelato A, gañou o primeiro premio no concurso Ciencia que conta. Parabéns!!!!!!!
Tamén podedes escoitar unha charla que tivemos con Lucía o pasado mércores, 22 de xaneiro.
Tamén podedes escoitar unha charla que tivemos con Lucía o pasado mércores, 22 de xaneiro.
domingo, 19 de enero de 2014
domingo, 12 de enero de 2014
TODOS SOMOS, MARCOS CALVEIRO
Chega este último libro de Marcos Calveiro tras a recente inclusión da súa última proposta,Palabras de auga, premio Merlín 2012 de literatura infantil, nas Listas de Honra do IBBY: un colectivo internacional de asociacións e persoas unidas polo fomento da lectura entre a mocidade e a infancia. Esa escolla confirma, quen o dubida, o excelente momento creativo do autor e a envexable saúde da nosa literatura xuvenil.
Todos somos, nesta ocasión, ao internarse tematicamente na desaparición dunha adolescente nunha cidade galega, doadamente recoñecible como Vigo, parece virar cara ás estremas do relato policial, e elementos hai que parecen asociala ao xénero como a sólida aparición dunha investigadora chamada Lina Souto (todo un achado que ben podería dar máis de si en futuras entregas), pero aos poucos a tonalidade da novela vai mudando para afondar, por un lado, no tratamento informativo que algúns medios de comunicación adoitan realizar de sucesos deste calibre e, por outro, para esculcar no concepto de culpabilidade e nas reaccións sociais –tantas veces tinxidas de xenreira e violencia- que tantas veces se van convertendo nunha bóla de neve, sen esquecer a complicidade que se pode xerar entre persoas ben distintas en situacións límite.
Como é común na narrativa de Calveiro, a voz narrativa sitúanos nun contexto, expón os feitos, dálle vida aos personaxes e as conclusións tíraas quen se achegue ao seu libro… E todas son, ao meu ver, ben propicias para vermos como é o noso tempo.
Esta dobre recensión publicouse o 14 de setembro de 2013 nas páxinas do suplemento «Culturas» de La Voz de Galicia, baixo o título de «Páxinas para provocar o desacougo».
Esperemos que vos guste!!!!
jueves, 9 de enero de 2014
O RÍO DE PALABRAS
Conseguimos facer o proxecto que dende hai tempo queriamos. Os vosos textos e ilustracións están aí percorrendo o instituto. A vosa creatividade debe ser o mellor neste novo ano. Desexo darvos as grazas pola vosa implicación.
As palabras de Cristina e Sara son as que mellor explican esta iniciativa.
Aquí podemos ver as fotos do traballo.
As palabras de Cristina e Sara son as que mellor explican esta iniciativa.
Aquí podemos ver as fotos do traballo.
Suscribirse a:
Entradas (Atom)